ضلع جھنگ میں کٹا پال اور بچھڑا پال فارمرز کی رجسٹریشن کےلئے 8070پر میسج شروع ہو گئے

ایڈیشنل ڈائریکٹر لائیو سٹاک ڈاکٹر احسان اکبر نے لائیو سٹاک فارمرز کو آگاہی دی ہے کہ ڈپٹی کمشنر علی اکبربھنڈر کی ہدایات کی روشنی میں ضلع جھنگ میں کٹا پال اور بچھڑا پال فارمرز کی رجسٹریشن کےلئے 8070پر میسج شروع ہو گئے ہیں ۔ ایسے لائیو سٹاک فارمرز جن کے پاس 5یا زائد کٹڑے یابچھڑے موجود ہوں اور وہ گورنمنٹ کی سکیم سے فائدہ اٹھانا چاہتے ہیں تو ہووہ اپنے موبائل کے رائٹ میسج میں PLCلکھ کر اور وقفہ دے کر اپنا شناختی کارڈ نمبر بغیر ڈیش کے 8070 میسج کریں ۔ یہ میسج کرنے سے پہلے فارمز محکمہ لائیو سٹاک کے نزدیکی ہسپتال سے اور ضلع کے 96 ویٹرنری ہسپتالوں میں ہیلپ ڈیسک بنا دئیے گئے ہیں۔کسی بھی مشکل کی صورت میں ویٹرنری ہسپتال میں رابطہ کریں۔ اس سکیم میں رجسٹرڈ فارمر کو 27000روپے فی کٹڑا کے حساب سے چار ماہ میں ونڈا سائلج یا منرل مکسچر ملیں گے جن کی رقم فور ی طور پر ونڈا ڈیلر کو بینک آف پنجاب کی طرف سے ادا کی جائیگی۔ فارم کو چار ماہ کا قرضہ پانچویں ماہ یک مشت ادا کرنا ہوگا۔ قرضہ کا مارک اپ گورنمنٹ آف پنجاب ادا کریگی۔ رجسٹرڈ فارمرز کو کٹڑوں کے علاج معالجہ اور ویکسی نیشن کی مفت سہولت میسر ہوگی۔ اس سکیم کا بنیادی مقصد فارمرز کو کٹڑا پال اور بچھڑا پال کا کاروبار سکھانا ہے۔