عوام کو صحت کی بنیادی سہولیات کی فراہمی یقینی بنانے کیلئے ڈپٹی کمشنر کا ڈسٹرکٹ ہیڈ کوارٹر ہسپتال کا دورہ

ڈپٹی کمشنر علی اکبر بھنڈرنے وزیر اعلیٰ پنجاب مریم نواز شریف کے ویژن کے مطابق عوام کو صحت کی بنیادی سہولیات کی فراہمی یقینی بنانے کیلئے ڈسٹرکٹ ہیڈ کوارٹر ہسپتال کا دورہ کیا۔اس موقع پر انہوں نے ڈاکٹرز و سٹاف کوہدایات جاری کی ہیں کہ وہ پبلک سروس ڈیلیوری کے حوالے سے اپنی محکمانہ سروسز کو بہتر بنائیں۔ڈپٹی کمشنر نے مریضوں اور لواحقین سے طبی سہولیات بارے دریافت کیا اوروارڑز میں مریضوں کو ادویات کی فراہمی و دیگر سہولیات کے حوالے سے جائزہ لیا۔انہوںنے ہسپتال کی ایمرجنسی، گائنی وارڈ،جملہ شعبہ جات اور صفائی ستھرائی امور کا تفصیلی معائنہ کیا۔ انہوں نے ہسپتال انتظامیہ کو ہدایت کی کہ حکومتی ویژن کے مطابق مریضوں کو تمام طبی سہولیات فراہم کی جائیں۔