مائی ہیر سٹیڈیم جھنگ میں آل پاکستان بلائنڈ کرکٹ ٹورنامنٹ اختتام پذیر

مائی ہیر سٹیڈیم جھنگ میں آل پاکستان بلائنڈ کرکٹ ٹورنامنٹ کا انعقادکیا گیا جس میں ڈپٹی کمشنر علی اکبر بھنڈر نے بطور مہمان خصوصی شرکت کی جبکہ محکمہ سپورٹس سمیت دیگر افسران ، کرکٹ کے شائقین اور پنجاب بھر سے کھلاڑیوں نے شرکت کی۔اس موقع پر ڈپٹی کمشنر علی اکبر بھنڈر نے مہمان ٹیموں سے اظہار محبت کرتے ہوئے کہا کہ جھنگ میں آل پاکستان بلائنڈ کرکٹ ٹورنامنٹ کا انعقاد ایک احسن اقدام ہے اور ہمارے لئے باعث فخر ہے۔ بصارت سے محروم افراد کیلئے صحت مند سرگرمیاں اور ان کی حوصلہ افزائی کرنا کسی نیکی سے کم نہیں ہے۔ڈپٹی کمشنر نے آل پاکستان بلائنڈ کرکٹ ٹورنامنٹ کی سریز کی فاتح ٹیم سمیت مین آف دی میچ، مین آف دی سیریز، بیسٹ بولر آف ٹورنامنٹ ، بیسٹ بیٹس مین آف دی سیریز کو انعامات اور ٹرافیاں تقسیم کیں۔