وزیراعظم محمد شہباز شریف نے ٹرانسپرنسی انٹرنیشنل پاکستان کی جانب سے سوئی ناردرن گیس پائپ لائنز لمیٹڈ کے خلاف پیپرا قواعد کی خلاف ورزی کی شکایت کا نوٹس لے لیا ہے۔

وزیراعظم آفس کی طرف سے جاری کردہ پریس ریلیز کے مطابق وزیراعظم نے متعلقہ حکام کو ایس این جی پی ایل کی جانب سے ٹینڈرز میں پیپرا قوانین کی خلاف ورزی کی شکایت کی شفاف تحقیقات کی ہدایت کی ہے۔

وزیراعظم شہباز شریف نے کہا ہے کہ تحقیقات میں اگر شکایت کی تصدیق ہو تو ذمہ داران کے خلاف کاروائی کی جائے۔