ڈپٹی کمشنر بابر صاحب دین نے رات گئے ڈسٹرکٹ ہیڈ کوارٹر ہسپتال کا اچانک دورہ کیا

ڈپٹی کمشنر بابر صاحب دین نے رات گئے ڈسٹرکٹ ہیڈ کوارٹر ہسپتال کا اچانک دورہ کیا۔ اس موقع پر انہوں نے ایمرجنسی، مختلف وارڈز، ادویات کی دستیابی، صفائی ستھرائی اور مریضوں کو فراہم کی جانے والی طبی سہولیات کا تفصیلی جائزہ لیا۔ڈپٹی کمشنر نے زیر علاج مریضوں اور ان کے لواحقین سے ملاقات کرتے ہوئے علاج معالجہ، ادویات کی فراہمی اور ڈاکٹرز و طبی عملے کے رویے کے بارے میں دریافت کیا۔ انہوں نے ہسپتال انتظامیہ کو ہدایت کی کہ مریضوں کو بروقت اور معیاری طبی سہولیات کی فراہمی ہر صورت یقینی بنائی جائے اور کسی قسم کی غفلت یا کوتاہی برداشت نہیں کی جائے گی۔انہوں نے کہا کہ حکومت پنجاب کی ہدایات کے مطابق سرکاری ہسپتالوں میں عوام کو بہترین طبی سہولیات فراہم کرنا ضلعی انتظامیہ کی اولین ترجیح ہے۔ انہوں نے ہسپتال کے مختلف شعبہ جات کا معائنہ کرتے ہوئے صفائی، ادویات کے سٹاک، طبی آلات کی دستیابی اور عملے کی حاضری بھی چیک کی اور متعلقہ افسران کو خدمات کے معیار کو مزید بہتر بنانے کے لیے ضروری ہدایات جاری کیں۔