ڈپٹی کمشنر علی اکبر بھنڈر کا شہریوں کی شکایات ومسائل سن کر فوری حل کرنے کے احکامات

ڈپٹی کمشنر علی اکبر بھنڈر روزانہ کی بنیاد پر صبح 10 بجے سے 11:30 بجے دن اوپن ڈور پالیسی کے تحت شہریوں کی شکایات و مسائل سن کر فوری حل کرنے کے احکامات جاری کر رہے ہیں۔درخواست گزاروں کی شکایات و مسائل پر ترجیحی بنیادوں پر تیز رفتار کارروائی عمل میں لاکر انہیں ریلیف فراہم کیا جا رہا ہے۔ اس حوالہ سے تمام ادارے عوامی مسائل کے حل کے لئے کمر بستہ ہیں۔ڈپٹی کمشنر علی اکبر بھنڈرکا کہنا تھا کہ تمام افسران عوامی مسائل کے حل میں گہری دلچسپی لیں اور اپنے دفاتر کے دروازے ان کے لئے کھلے رکھیں۔ سرکاری دفاتر میں اوپن ڈور پالیسی کے تحت شہریوں کو براہ راست ریلیف اقدامات وزیر اعلی پنجاب مریم نواز شریف کی فرنٹ لائن پالیسی ہے ۔ اس ضمن میں تمام ادارے عوامی مسائل کے حل کے لئے کمر بستہ ہیں اور انہیں ریلیف کی فراہمی میں کوئی کسر اٹھا نہیں رکھی جائے۔ ڈپٹی کمشنر نے درخواست گزاروں کو یقین دلایا کہ انکی شکایات و مسائل پر ترجیحی بنیادوں پر تیز رفتار کارروائی عمل میں لائی جارہی ہیں۔