ڈپٹی کمشنر محمد عمیر کی زیر صدارت انسدادپولیو مہم کی تیاریوں کے حوالہ سے اجلاس

ڈپٹی کمشنر محمد عمیر کی زیر صدارت انسدادپولیو مہم کی تیاریوں کے حوالہ سے اجلاس منعقد ہواجس میں محکمہ صحت،تعلیم و دیگر لائینز ڈیپارٹمنٹس کے افسران نے بھی شرکت کی۔اس موقع پر ہیلتھ افسران اور نمائندہ ڈبلییو ایچ او نے مائیکرو پلان بارے بریفنگ دی گئی اور بتایا کہ انسداد پولیو مہم 28 اکتوبر سے یکم نومبر 2024 تک جاری رہے گی۔اس حوالہ سے محکمہ صحت کو قطرے پلانے کا ہدف 5 لاکھ 81 ہزار 759 مقرر کیا گیا ہے۔ڈپٹی کمشنر نے مہم کیلئے مائیکرو پلان،ٹیموں کی ٹریننگ سمیت دیگر تیاریاں مہم سے قبل مکمل کرنیکی ہدایت جاری کیں ۔انہوںنے کہا کہ پولیو ویکسئین کے دو قطرے بچوں کیلئے ضروری ہیں۔ضلعی افسران سمیت محکمہ صحت کے افسران ٹیموں کی براہ راست نگرانی کےلئے فیلڈ میں موجود رہیںگے۔ کارکردگی کا جائزہ لینے کے حوالہ سے گھر گھر جاکر،ٹرانسپورٹ اڈوں،ریلوے اسٹیشنوں اور دیگر پبلک مقامات پر ٹیموں کی حاضری کو چیک کیا جائیگا۔انہوں نے مزید کہا کہ پولیو ٹیمیں ہر صورت ہدف کا حصول یقینی بنائیں۔ والدین پیدائش سے لیکر 5 سال تک کے بچوں کو پولیو ویکسئین کے قطرے لازمی پلائیں تاکہ عمر بھر کی معذوری سے محفوظ رہ سکیں۔