ڈی پی او جھنگ کیپٹن (ر) بلال افتخار کیانی کی طرف سے پولیس کے زیر استعمال گاڑیوں کی انسپکشن

ڈسٹرکٹ پولیس آفیسر جھنگ کیپٹن (ر) بلال افتخار کیانی نے پولیس کے زیر استعمال گاڑیوں کی انسپکشن کی۔ اس موقع پر ایس پی انوسٹی گیشن ملک ظفر عباس، ڈی ایس پی ہیڈ کوارٹر عبدالقادر ،ایم ٹی او اور لائن آفیسر بھی موجود تھے، انسپکشن کے دوران ڈی پی او نے تمام گاڑیوں کے انجن، ٹائرز، بیٹریوں اور دیگر تکنیکی پہلوؤں کا تفصیلی جائزہ لیا۔ انہوں نے اس موقع پر موجود ڈرائیورز سے گاڑیوں کی حالت اور مسائل کی بابت معلومات حاصل کیں اور فوری طور پر تمام نقائص دور کرنے کے احکامات جاری کیے۔کیپٹن (ر) بلال افتخار کیانی نے ایم ٹی او کو خصوصی ہدایت دیتے ہوئے کہا کہ حوالاتیوں کو منتقل کرنے والی گاڑیوں کی مینٹیننس کا خاص خیال رکھا جائے تاکہ کسی بھی ہنگامی صورتِ حال میں کوئی رکاوٹ نہ پیش آئے۔انہوں نے واضح کیا کہ گاڑیوں کی دیکھ بھال میں کسی قسم کی غفلت یا لاپرواہی کو ہرگز برداشت نہیں کیا جائے گا