ڈی پی او کیپٹن (ر) بلال افتخار کا ڈسٹرکٹ پولیس آفس میں کھلی کچہری کا انعقاد

ڈی پی او کیپٹن (ر) بلال افتخار کیانی کی اوپن ڈور پالسی کے مطابق ڈسٹرکٹ پولیس آفس میں کھلی کچہری ، ایس ایچ اوز کو شہریوں کے مسائل نیک نیتی کیساتھ بروقت حل کرنے کے حوالے سے احکامات جاری ۔ تفصیلات کے مطابق ڈی پی او کیپٹن(ر) بلال افتخار نے اوپن ڈور پالیسی کے تحت ڈسٹرکٹ پولیس آفس میں کھلی کچہری کے دوران شہریوں کی درخواست ہائے پر سماعت کی اور ایس ایچ اوز کو شہریوں کی شکایات اور مسائل کا مقررہ وقت میں قانونی حل یقینی بنانے کے حوالے سے احکامات جاری کئے ۔ ڈی پی او کا کہنا تھا کہ کھلی کچہری میں زیادہ شہریوں کے آنے کو متعلقہ ایس ایچ او کی لاپرواہی اور بدیانتی سے تعبیر کیا جائیگا۔تھانوں میں مسائل کی داد رسی کے لئے آنے والے شہریوں کو بھرپور عزت اور احترام دیا جائے۔ ڈی پی او کا مزید کہنا تھا کہ خدا نے ہمیں مظلوم شہریوں کی مدد کیلئے منتخب کیا ہے، کوئی شہری مایوس نہ لوٹے۔