ڈی پی او کیپٹن (ر) بلال افتخار کیانی کا تھانہ سیٹلائٹ ٹاؤن کا سرپرائز وزٹ، ڈی پی او نے فرنٹ ڈیسک پر پینڈنگ درخواستوں، ریکارڈ ، حوالات اور جملہ دفاتر کا تفصیلی جائزہ لیا، تفصیلات کے مطابق ڈی پی او کیپٹن (ر) بلال افتخار کیانی تھانوں کی ورکنگ کا جائزہ لینے کیلئے مختلف تھانوں کا سرپرائز وزٹ کررہے ہیں، اسی حوالے سے آج انہوں نے تھانہ سیٹلائٹ ٹاؤن کا اچانک دورہ کیا، جہاں انہوں نے فرنٹ ڈیسک پر پینڈنگ درخواستوں ، تھانہ کی حوالات میں بند ملزمان، ریکارڈ اور جملہ دفاتر کا تفصیلی جائزہ لیا، اس موقع پر پولیس افسران کو ہدایات جاری کرتے ہوئے ڈی پی او کا کہنا تھا کہ آئی جی پنجاب کے احکامات کی روشنی میں SIPS ایس او پیز پر عملدرآمد اور سنگین نوعیت کے مقدمات کی مقررہ وقت میں میرٹ پر یکسوئی یقینی بنائی جائے ۔ حوالاتیوں کے بنیادی انسانی حقوق کا خیال رکھا جائے ۔ منشیات فروشوں ، اشتہاری مجرمان اور کریمینل گینگز کے خلاف کریک ڈاؤن مزید تیز کیا جائے ۔ ڈی پی او کا مزید کہنا تھا کہ تھانہ میں آنے والے متاثرین کی فوری داد رسی یقینی بنائی جائے اور گائیڈ کانسیٹبلان شائستہ رویے کیساتھ شہریوں کی رہنمائی کریں