کالج چوک گوجرہ روڈ پر رکشہ اور موٹر سائیکل میں تصادم، دو افراد زخمی،ریسکیو

کالج چوک گوجرہ روڈ پر رکشہ اور موٹر سائیکل کے درمیان تصادم کے نتیجے میں دو افراد زخمی ہو گئے۔ ریسکیو 1122 کے مطابق حادثہ مبینہ طور پر غفلت کے باعث پیش آیا۔

ریسکیو 1122 کنٹرول روم کو موصول ہونے والی اطلاع پر قریبی ایمبولینس کو فوری طور پر جائے حادثہ پر روانہ کیا گیا۔ ریسکیو اہلکاروں نے بروقت کارروائی کرتے ہوئے زخمیوں کو موقع پر ابتدائی طبی امداد فراہم کی اور بعد ازاں مزید علاج کے لیے ڈسٹرکٹ ہیڈکوارٹر (ڈی ایچ کیو) ہسپتال جھنگ منتقل کر دیا۔

ریسکیو حکام کے مطابق زخمی ہونے والوں میں 18 سالہ عون علی ولد عباس، سکنہ کھو نمے والا، ٹوبہ روڈ، اور 45 سالہ غلام عباس ولد جیون، سکنہ موضع مگھیانہ شامل ہیں۔