کرسمس سیکورٹی پلان کی مانیٹرنگ کے لئے ڈپٹی کمشنر اورڈی پی کے ہمراہ شہر بھر کے چرچز کا دورہ کیا۔

کرسمس کے حوالے سے وضع کردہ سیکورٹی پلان کی موثر مانیٹرنگ جاری ، ڈی پی او کیپٹن (ر) بلال افتخار کیانی نے ڈپٹی کمشنر علی اکبر بھنڈر کے ہمراہ شہر بھر کے چرچز کا دورہ کیا۔ تفصیلات کے مطابق ڈی پی او کیپٹن (ر) بلال افتخار کیانی نے ڈپٹی کمشنر علی اکبر بھنڈر کے ہمراہ شہر بھر کے چرچز کا دودہ کیا ، مسیحی عبادت گاہوں کے سکیورٹی انتظامات کا جائزہ لیا گیا ہے، پولیس افسران کو مزید ویجیلینٹ رہنے کی تاکید کی گئی ہے،ڈی پی او نے سپروائزی افسران کو ہدایات جاری کرتے ہوئے کہا ہے کہ فیلڈ میں رہیں اور سکیورٹی پلان کی موثر مانیٹرنگ جاری رکھیں، اس موقع پر مسیحی برادری کی جانب سے پولیس کے سکیورٹی انتظامات پر اطمینان کا اظہار کیا گیا ہے۔ڈی پی او نے میڈیا سے گفتگو کرتے ہوئے کہا کہ عوام کے جان و مال کے تحفظ سے بڑھ کر کوئی اور ترجیح نہیں، ڈی پی او کا مزید یہ بھی کہنا تھا کہ امن و امان کو برقرار رکھنے کیلئے شہری بھائی چارے کے رویوں کو فروغ دیں، دنیا کا کوئی مذہب انسانوں سے نفرت کا درس نہیں دیتا۔