احسن اقبال کا بی آرآئی کے تحت پاک،چین تعاون مضبوط بنانے کاعزم

وزیر ترقی و منصوبہ بندی احسن اقبال نے بیلٹ اینڈ روڈ او ر گلوبل ڈویلپمنٹ انیشٹیو کے تحت چین کے ساتھ مختلف شعبوں میں ترقیاتی تعاون کو مضبوط بنانے کے پاکستان کے عزم کا اعادہ کیا ہے۔

وہ آج(منگل) چین کے شہرکُنمنگ میں چائنا انٹر نیشنل ڈویلپمنٹ ایجنسی کے ڈائریکٹرلو ژاؤ ہوئی سے گفتگو کررہے تھے۔

وزیر منصوبہ بندی نے خطے کے ممالک کو تجربات کے تبادلے کیلئے پلیٹ فارم مہیا کرنے پر چین کا شکریہ ادا کیا اور سمندری معیشت کے فروغ پر چین کی قیادت کی تعریف کی۔

اس موقع پر گفتگو کرتے ہوئےلو ژاؤ ہوئی نے گزشتہ تین سال کے دوران فورم میں شرکت کیلئے اعلیٰ سطح کے وفود بھیجنے پر پاکستان کو سراہا۔

لو ژاؤ ہوئی نے دونوں ملکوں کی قیادت کے درمیان قریبی روابط اور اہم اتفاق رائے کی ضرورت پر زوردیا۔