خصوصی سرمایہ کاری سہولت کونسل کی کامیاب سہولت کاری سے جیٹ گرین ایئرلائن آپریشنل تیاری کے مرحلے میں داخل ہوگئی ہے۔

کونسل کی مؤثر سہولت کاری کے باعث پاکستان میں طویل عرصے سے تعطل کے شکار سرمایہ کاری کے منصوبوں میں نمایاں پیش رفت ہوئی ہے۔

کونسل نے تقریباً ایک دہائی سے زیر التوا تین کروڑ ڈالر مالیت کے نجی ایئرلائن منصوبے کی منظوری کا عمل کامیابی سے مکمل کر لیا ہے۔ جیٹ گرین پرائیویٹ لمیٹڈ اب لائسنسنگ، سیفٹی ویٹنگ اور کمرشل پرمٹس سے متعلق رکاوٹیں دور ہونے کے بعد آپریشنل تیاری کے مرحلے میں داخل ہو گئی ہے۔

خصوصی سرمایہ کاری سہولت کونسل نے متعلقہ اداروں کے درمیان مؤثر رابطہ کاری کے ذریعے ایوی ایشن کی منظوری کے پیچیدہ عمل کو تیز اور شفاف بنایا ہے۔