ایکنک نے 172.7 ارب روپے کی لاگت سے دس منصوبوں کی منظوری دے دی

ایکنک نے 172.7 ارب روپے کی لاگت سے دس منصوبوں کی منظوری دے دی

اسلام آباد: قومی اقتصادی کونسل کی ایگزیکٹو کمیٹی (ایکنک) نے 172.7 ارب روپے کی لاگت سے دس منصوبوں کی منظوری دے دی ہے۔

ایکنک کا اجلاس پیر کو اسلام آباد میں نائب وزیر اعظم اسحاق ڈار کی زیر صدارت منعقد ہوا۔ اجلاس میں وزارت صحت کے ایک منصوبے کو مزید وضاحت کے لیے مؤخر کر دیا گیا۔

منظور شدہ منصوبے بنیادی ڈھانچے کے شعبے سے متعلق ہیں، جو بلوچستان، خیبر پختونخوا اور سندھ میں رابطے کو بہتر بنانے کے لیے بنائے گئے ہیں۔ ان میں سے چھ منصوبے بلوچستان کے لیے ہیں۔

اجلاس میں کراچی کے لیے سالڈ ویسٹ انفراسٹرکچر کی ترقی کے لیے عالمی بینک کے مالی تعاون سے 29.2 ارب روپے کی لاگت کے منصوبے کی بھی منظوری دی گئی۔