ریسکیو 1122 جھنگ کے جوانوں کا ماہانہ فزیکل اور تحریری ٹیسٹ

ریسکیو 1122 جھنگ کے جوانوں کا ماہانہ فزیکل اورتحریری ٹیسٹ ایمرجنسی آفیسر طاہر عباس کی زیرنگرانی لیا گیا۔ اس ٹیسٹ کا مقصد جوانوں کی جسمانی صحت، مہارتوں اور علم کی تازہ کاری کو یقینی بنانا ہے تاکہ وہ کسی بھی ہنگامی صورتحال میں بروقت اور مؤثر انداز میں امدادی خدمات فراہم کر سکیں۔ٹیسٹ کے دوران جوانوں کی فٹنس، رفتار، مہارت اور تحریری علم کا جائزہ بھی لیا گیا، اور اس بات کی جانچ کی گئی کہ وہ اپنی تربیت اور ذمہ داریوں کے مطابق کتنے مستعد اور متحرک ہیں۔ ایمرجنسی آفیسر طاہر عباس نے ٹیسٹ کے بعد جوانوں کی کارکردگی پر اطمینان کا اظہار کیا اور مزید بہتری کے لئے ہدایات دیں۔ایمرجنسی آفیسر نے اس موقع پر کہا کہ ریسکیو 1122 جھنگ کے جوانوں کی مستعدی اور پیشہ ورانہ صلاحیتوں میں بہتری کیلئے ایسے ٹیسٹ نہایت اہم ہیں اور یہ جوانوں کے ذہنوں پر مثبت اثرات مرتب کرتے ہیں۔ انہوں نے مزید کہا کہ ریسکیو 1122 عوام کو بہترین اور بروقت خدمات فراہم کرنے کے لیے ہمیشہ تیار ہے۔