وزارت اطلاعات و نشریات نے سوشل میڈیا پر پاکستانی بندرگاہوں کی عارضی بندش سے متعلق نوٹیفکیشن کو جعلی قرار دیا ہے۔

وزارت کے فیکٹ چیکر کے مطابق، جعلی نوٹیفکیشن میں دعویٰ کیا گیا ہے کہ کابینہ ڈویژن نے سکیورٹی صورتحال کے باعث پاکستان میں تمام بندرگاہوں کے داخلی راستوں کو منگل تک عارضی طور پربند کرنے کا حکم دیا ہے۔

فیکٹ چیکر کا کہنا ہے کہ مذکورہ نوٹیفکیشن من گھڑت ہے اور اس حوالے سے کابینہ ڈویژن یا وزارت بحری امور کی جانب سے کوئی حکم نامہ جاری نہیں کیا گیا ہے۔