خبروں پر جائیں
جھنگ، پاکستان
تازہ ترین
جھنگ میں انٹرنیشنل ریسرچ ایڈوائزری کے زیر اہتمام روڈ سیفٹی اور اسموگ سے بچاؤ کی آگاہی مہمعوام کی خواہشات جاننے کے لیے ریفرنڈم ایک آئینی اور قانونی طریقہ کار ہے اور اس کے انعقاد میں کوئی حرج نہیں۔ وزیر اطلاعات و نشریات عطاءاللہ تارڑراولپنڈی ٹیسٹ کا پہلا روز: پاکستان نے 3 وکٹوں کے نقصان پر121رنز بنا لیےشہرباز مری نے نومیڈ ایم ایم اے ورلڈ چیمپئن شپ میں گولڈ میڈل جیت لیاایشیائی ترقیاتی بینک نے وفاقی پنشن نظام میں اصلاحات کے لئے 50 کروڑ ڈالر قرضہ کی منظوری دیدیقیصر احمد شیخ کی چینی سرمایہ کاروں کو پاکستان کے مختلف شعبوں میں سرمایہ کاری کی دعوتطالبان رجیم کی غیرانسانی پابندیوں سے افغان خواتین بنیادی صحت کی سہولیات سے محرومانسانی حقوق کی عالمی تنظیم کی رپورٹ میں بھارت میں مسلمانوں کے خلاف ہندو انتہاء پسندوں کے نفرت انگیز جرائم بے نقاب
معیشت

قیصر احمد شیخ کی چینی سرمایہ کاروں کو پاکستان کے مختلف شعبوں میں سرمایہ کاری کی دعوت

وفاقی وزیر برائے سرمایہ کاری بورڈ قیصر احمد شیخ نے چینی سرمایہ کاروں کو پاکستان کے خصوصی اقتصادی زونز، مینوفیکچرنگ، زراعت، معدنیات، آئی ٹی، توانائی اور ادویہ سازی سمیت مختلف شعبوں میں سرمایہ کاری…

قیصر احمد شیخ کی چینی سرمایہ کاروں کو پاکستان کے مختلف شعبوں میں سرمایہ کاری کی دعوت

وفاقی وزیر برائے سرمایہ کاری بورڈ قیصر احمد شیخ نے چینی سرمایہ کاروں کو پاکستان کے خصوصی اقتصادی زونز، مینوفیکچرنگ، زراعت، معدنیات، آئی ٹی، توانائی اور ادویہ سازی سمیت مختلف شعبوں میں سرمایہ کاری کی دعوت دی ہے۔

اسلام آباد میں ’’چین کی طرزِ حکمرانی اور عالمی ترقی‘‘ کے موضوع پر عالمی مکالمے سے بطور مہمانِ خصوصی خطاب کرتے ہوئے انہوں نے کہا کہ پاکستان کو چین کے کامیاب ترقیاتی ماڈل، طویل المدتی منصوبہ بندی، پالیسیوں کے تسلسل، صنعتی ترقی اور انسانی سرمائے میں سرمایہ کاری سے سیکھنا چاہیے۔

قیصر احمد شیخ نے کہا کہ چین کی ترقی کا بنیادی راز عوام، تعلیم اور پیداواری صلاحیت میں سرمایہ کاری ہے۔ انہوں نے چین کی جانب سے تقریباً 80 کروڑ افراد کو غربت سے نکالنے کو تاریخ کی عظیم کامیابی قرار دیا۔

وفاقی وزیر نے کہا کہ پاکستان بھی معاشی اصلاحات اور صنعتی ترقی کے ذریعے مستقبل میں جی 20 کا رکن بن سکتا ہے۔

انہوں نے علاقائی تجارت، باہمی تعاون اور سرمایہ کاری کے فروغ پر زور دیتے ہوئے سی پیک کے دوسرے مرحلے کو صنعتی تعاون، ٹیکنالوجی کی منتقلی، زراعت اور برآمدات کے فروغ کے لیے اہم موقع قرار دیا۔

انہوں نے کہا کہ وزیراعظم شہباز شریف کی قیادت میں حکومت سرمایہ کاری کے ماحول کو بہتر بنانے اور کاروباری سہولیات فراہم کرنے کے لیے پرعزم ہے۔

وفاقی وزیر نے پاک چین دوستی کو آزمودہ اور تزویراتی شراکت داری قرار دیتے ہوئے دونوں ممالک کے اقتصادی تعلقات مزید مضبوط بنانے کی ضرورت پر زور دیا۔

اس عالمی مکالمے کا انعقاد چائنا میڈیا گروپ، چینی سفارت خانے اور پاکستان چائنا انسٹی ٹیوٹ نے مشترکہ طور پر کیا۔

تقریب میں چینی سفیر جیانگ زیڈونگ، چائنا میڈیا گروپ کی نمائندہ مس ہُو پِنگ پِنگ (نورین) اور دیگر شخصیات نے شرکت کی۔

ریٹس
سونا (10 گرام)241,500+800چاندی (کلو)2,850+35امریکی ڈالر278.40-0.15یورو302.10+0.40پاؤنڈ اسٹرلنگ352.75+1.20PSX انڈیکس78,452+1,024سعودی ریال74.20+0.05سونا (تولہ، 24 قیرات)281,750+930

خبریں تلاش کریں