پنجاب حکومت نے صوبے بھر میں گندم کے جدید گودام قائم کرنے کے لیے سرکاری و نجی شراکت داری کے تحت بیس ارب روپے کا منصوبہ شروع کیا ہے۔

اس منصوبے کے تحت ہر سال گندم کی کٹائی کے بعد تقریباً تیس لاکھ میٹرک ٹن گندم کے ضیاع کی روک تھام میں مدد ملے گی، جبکہ کسان اپنی گندم محفوظ طریقے سے ذخیرہ کر کے بہتر منافع حاصل کر سکیں گے۔

ڈائریکٹر جنرل فوڈ پنجاب امجد حفیظ نے کہا ہے کہ سرکاری اور نجی شعبے کی شراکت داری کے ماڈل کے تحت گندم کے جدید گوداموں کے قیام پر کام پہلے ہی جاری ہے۔