پیغام پاکستان کے تحت ضلعی انتظامیہ کے زیر اہتمام چناب کالج جھنگ میں تقریب کا انعقاد

پیغام پاکستان کے تحت ضلعی انتظامیہ کے زیر اہتمام چناب کالج جھنگ میں تقریب کا انعقاد کیا گیا۔
ڈپٹی کمشنر علی اکبر بھنڈر،ڈسٹرکٹ پولیس آفیسر کیپٹن ر بلال افتخار کیانی،ایڈیشنل ڈپٹی کمشنر جنرل خرم شہزاد بھٹی ،ایڈیشنل ڈپٹی کمشنر ریونیو ڈاکٹر امتیاز محسن اور تقریب کے مہمان خصوصی حافظ مولانا مقبول احمد معاون چیئرمین پاکستان علماء کونسل و ممبر اتحاد بین المسلمین گورنمنٹ آف پنجاب،امن کمیٹی ممبران،ایڈوکیٹ شاہجہان،حسن رضا ترمذی،ضلعی امن تاجران،سول سوسائٹی،طلباء و طالبات نے شرکت کی۔مولانا محمد آصف معاویہ،مولانا مسرور نواز جھنگوی، مولانا زاہد انور،،قاری محمد سعید اور تقریب کے مہمان خصوصی نے بھی شرکاء سے تفصیلی خطاب کیا اور پیغام پاکستان کے حوالے سے روشنی ڈالی۔انہوں نے کہا کہ پیغام پاکستان امن کا پیغام ہےاوراس کی روشنی میں فکر اور رویوں کی اصلاح کے لئے عملی اقدامات ناگزیر ہیں۔انہوں نے کہا کہ آنے والی نسلوں کو پرامن پاکستان دینا ہماری ذمہ داری ہے۔انسانیت سے محبت ہی امن کا راستہ ہے۔اگر ہم آج آزاد فضا میں زندگی بسر کر رہے ہیں تو یہ سب شہداء کی قربانیوں کی اور ہماری سرحدوں پر جو محافظ پہرہ دے رہے ہیں ان کی وجہ سے ہے ۔آزادی بڑی نعمت ہے۔آزادی کی نعمت کشمیر اور فلسطین کے لوگوں سے پوچھیں،انہوں نے مزید کہا کہ ملک پاکستان کسی طرح بھی دہشتگردی کا متحمل نہیں ہوسکتا۔دہشتگردی فرقہ واریت کو جڑ سے ختم کرنے کا نام پیغام پاکستان ہے۔انہوں نے عزم کا اظہار کیا کہ دہشتگردی کے ناسور کاجڑسے خاتمہ کرنے کیلئے ہر ممکن اقدامات کئے جائینگے۔انہوں نے کہا کہ قانون نافذ کرنے والے اداروں کے ہاتھ مضبوط کرنے کی اشد ضرورت ہے۔ہمیں پاکستان کے ہر ایک سپاہی پر فخر ہے جو اپنا سینہ تان کر ملک کی حفاظت کر رہا ہے علماء کرام نے اپنے خطاب میں امن کے پیغام کو عام کرنے کے عزم کو دہرایااور کہا کہ کسی شرپسند کو امن میں خلل نہیں ڈالنے دیں گے۔انہوں نے کہا کہ قانون نافذ کرنے والے اداروں کی دہشتگردی کے خلاف جنگ میں دی جانے والی قربانیوں کو رائیگاں نہیں جانے دیں گےاورپیغام پاکستان کے لئے علماء کرام ضلعی انتظامیہ کے شانہ بشانہ ہے