ڈپٹی کمشنرمحمد عمیر کی ریونیو ریکوری کے حوالہ سے متعلقہ محکموں کے افسران سے میٹنگ

ڈپٹی کمشنرمحمد عمیر نے ریونیو ریکوری کے حوالہ سے متعلقہ محکموں کے افسران سے میٹنگ کی.جس میں ریونیو افسران کی طرف سے ریونیو ریکوریز کے حوالے سے جائزہ لیا گیا۔اس موقع پرمتعلقہ افسران نے ریونیو ریکوری کے حوالہ سے تفصیلی بریفنگ دی اورسرکاری بقایا جات و دیگر متعلقہ امور بارے بھی تفصیلات سے آگاہ کیاگیا۔ڈپٹی کمشنر نے مزید ریکوریز کے حوالے سے ریونیو افسران کو ٹاسک سونپتے ہوئے ہدایات جاری کیں کہ ریونیو عدالتوں میں زیر التوا کیسز کو فوری نمٹایا جائے۔ڈپٹی کمشنر نے کہا کہ ریونیو افسران اپنی ذمہ داریوں کا ادراک کرتے ہوئے کارکردگی کا گراف بلند کریں تاکہ مقررہ اہداف حاصل کےئے جا سکیں۔ڈپٹی کمشنر نے مزید کہا کہ شہریوں کو دہلیز پر انصاف فراہم کرنے میں کوئی کسر اٹھا نہ رکھی جائے گی۔