ڈی پی او جھنگ ساجد حسین کی زیر صدارت ٹریفک پولیس کے امور پر میٹنگ، کارکردگی اور نظم و ضبط کا تفصیلی جائزہ

ڈسٹرکٹ پولیس آفیسر جھنگ ساجد حسین کی زیر صدارت ٹریفک پولیس اسٹاف کی میٹنگ منعقد ہوئی، جس میں ضلع بھر کی ٹریفک صورتحال، مصروف شاہراہوں پر ٹریفک فلو، چلاننگ ریشو، حادثات کی روک تھام اور مجموعی کارکردگی کا تفصیلی جائزہ لیا گیا۔ڈی پی او ساجد حسین نے میٹنگ سے خطاب کرتے ہوئے کہا کہ شہریوں کو بہتر سفری سہولیات اور محفوظ ماحول کی فراہمی کیلئے ٹریفک نظام کو مزید مؤثر بنایا جائے۔ انہوں نے ہدایت کی کہ شہر کے تمام اہم بوٹل نیکس اور مصروف مقامات پر اضافی نفری تعینات کی جائے تاکہ ٹریفک روانی میں بہتری لائی جا سکے اور شہریوں کو بلاوجہ مشکلات کا سامنا نہ کرنا پڑے۔ڈی پی او جھنگ نے ٹریفک اہلکاروں کو واضح ہدایات جاری کرتے ہوئے کہا کہ دورانِ ڈیوٹی خوش اخلاقی، صبر و تحمل اور شہریوں کے ساتھ تعاون ہر اہلکار کی بنیادی ذمہ داری ہے۔ انہوں نے کہا کہ قانون کا نفاذ ضرور کیا جائے، مگر ایسا رویہ ہرگز اختیار نہ کیا جائے جس سے شہریوں کی عزتِ نفس مجروح ہو۔انہوں نے ٹریفک قوانین پر سختی سے عملدرآمد، حادثات کی روک تھام کیلئے مؤثر حکمت عملی اپنانے اور ٹریفک ایجوکیشن یونٹ کو شہری آگاہی میں فعال کردار ادا کرنے کی ہدایت دی۔میٹنگ میں ٹریفک پولیس اسٹاف کو درپیش مسائل کا بھی تفصیلی جائزہ لیا گیا، جس پر ڈی پی او ساجد حسین نے فوری حل کیلئے احکامات جاری کیے۔ڈی پی او ساجد حسین نے اپنے دو ٹوک مؤقف میں کہا کہ بدسلوکی، رشوت اور کرپشن کسی صورت برداشت نہیں کی جائے گی، اور ہر اہلکار کو دیانتداری، ذمہ داری اور پیشہ ورانہ انداز میں فرائض سرانجام دینا ہوں گے۔