ڈی پی او کا تھانہ سیٹلائٹ ٹاؤن کی نئی زیر تعمیر بلڈنگ کا دورہ

ڈی پی او کیپٹن (ر) بلال افتخار کیانی کا تھانہ سیٹلائٹ ٹاؤن کی نئی زیر تعمیر بلڈنگ کا دورہ۔ ڈی پی او کی بلڈنگ کا جائزہ لیتے ہوئے تعمیراتی کام کو پائیداری کیساتھ بروقت مکمل کرنے کی ہدایت ۔ تفصیلات کے مطابق ڈی پی او کیپٹن (ر) بلال افتخار کیانی نے تھانہ سیٹلائٹ ٹاؤن کی نئی زیر تعمیر بلڈنگ کا دورہ کیا۔ ڈی پی او نے بلڈنگ کا جائزہ لیتے ہوئے تعمیراتی کام کو پائیداری کیساتھ بروقت مکمل کرنے کی ہدایت کی ۔ ڈی پی او کا کہنا تھا کہ بلڈنگ مٹیریل کی کوالٹی اور تعمیراتی کام کے معیار میں ہرگز سمجھوتہ نہیں کیا جائے گا ۔ آئی جی پنجاب کے ویژن کے مطابق سمارٹ پولیسنگ، جدید انفراسٹرکچر اور ٹیکنالوجی بیسڈ سہولیات کی فراہمی ترجیح ہے ۔ پولیس انفراسٹرکچر ڈویلپمنٹ کا مقصد پولیس ورکنگ کو بہتر بناتے ہوئے شہریوں کیلئے سروس ڈلیوری کو مزید آسان بنانا ہے ۔ ڈی پی او کا مزید کہنا تھا کہ سپروائزری آفیسر باقی زیر تکمیل کام کو اپنی نگرانی میں اعلی معیار کے مطابق جلد از جلد مکمل کروائیں۔