یوم شہادت حضرت علی ؓ کے موقع پر پولیس کی جانب سے سکیورٹی انتظامات مکمل کر لئے گئے

یوم شہادت حضرت علی ؓ کے موقع پر پولیس کی جانب سے سکیورٹی انتظامات مکمل کر لئے گئے، ڈی پی او کیپٹن (ر) بلال افتخار کیانی رات گئےتھانہ سٹی کے علاقہ میں جلوسوں کے روٹس کا جائزہ لینے پہنچ گئے، اس موقع پر ممبران امن کمیٹی، جلوس و مجالس کے منتظمین و دیگر پولیس افسران بھی ہمراہ موجود تھے چیف سکیورٹی آفیسر نے ڈی پی او کو جلوس کے روٹس کے متعلق تفصیلی بریفننگ دی۔ مجموعی طور پر 05 جلوس برآمد ہونگے جبکہ 47 مجالس منعقد ہونگی، جنکی سکیورٹی کیلئے ایک ہزار سے زائد پولیس افسران اور ولنٹیرز فرائض انجام دیں گے۔ ڈی پی او نے متعلقہ افسران کو سکیورٹی انتظامات کو مزید بہتر بنانے کیلئے ہدایات دیں اس موقع پر ڈی پی او کا کہنا تھا کہ روٹ کے داخلی اور خارجی راستوں پر واک تھرو گیٹس کا استعمال لازمی بنایا جائے ، میٹل ڈیٹیکٹرز سے چیکنگ کے بعد شرکاء کا جلوس میں داخلہ یقینی بنایا جائے، روٹ کے راستہ میں بلند عمارتوں پر ماہر نشانہ باز تعینات کئے جائیں جبکہ سی سی ٹی وی کیمروں کے ذریعے کڑی نگرانی یقینی بنائی جائے، جلوس و مجالس کے لئے فول پروف سکیورٹی انتظامات کو یقینی بنایا جائے گا،