کرشنگ سیزن میں حادثات سے بچاؤ کیلئے ٹریفک پولیس کی مہم جاری

ڈی پی او کیپٹن (ر) بلال افتخار کیانی کے احکامات پر کرشنگ سیزن میں حادثات سے بچاؤ کیلئے ٹریفک پولیس کی مہم جاری ، روان ہفتے 800 سے زائد گاڑیوں پر ریفلیکٹرز نصب کئے گئے ۔ تفصیلات کے مطابق ڈی پی او کیپٹن (ر) بلال افتخار کیانی کے احکامات پر کرشنگ سیزن میں حادثات سے بچاؤ کیلئے گنے کی ٹرالیوں و دیگر وہیکلز پر ریفلیکٹرز کی تنصیب اور ڈرائیورز کی آگاہی کیلئے مہم جاری ہے ۔ ٹریفک پولیس جھنگ نے رواں ہفتے800 سے زائد گاڑیوں پر ریفلیکٹرز نصب کئے اور ڈرائیوز کو ٹریفک قوانین کی پابندی، سموگ اور فوگ کے موسم کے دوران احتیاطی تدابیر اختیار کرنے کے حوالے سے بھرپور آگاہی بھی فراہم کی ۔ ڈی پی او ڈی پی او کیپٹن (ر) بلال افتخار کیانی کا کہنا تھا کہ مہم کا مقصد کرشنگ سیزن اور دھند میں حدِ نگاہ کی کمی کے باعث وہیکلز کو حادثات سے بچانا ہے ، تاکہ ڈرائیوز واضح ریفلیکٹرز کی تنصیب ، دورانِ سفر اوورلوڈنگ سے اجتناب اور سموگ اور فوگ کی صورت میں روشنی کا مناسب استعمال یقینی بنائیں ۔ ڈی پی او کا مزید کہنا تھا کہ ٹریفک قوانین کی خلاف ورزی کرنے والوں کے خلاف قانونی کارروائی بھی عمل میں لائی جارہی ہے ۔