شہر کے بازاروں سمیت مختلف مقامات پر تجاوزات کے خلاف گرینڈ آپریشن بلا تقریق جاری

ڈپٹی کمشنر علی اکبر بھنڈرکی ہدایت پر شہر کے بازاروں سمیت مختلف مقامات پر تجاوزات کے خلاف گرینڈ آپریشن بلا تقریق جاری ہے۔ میونسپل کمیٹی کی ٹیم ہیوی مشینری کے ہمراہ روزانہ کی بنیاد پر آپریشن جاری رکھے ہوئے ہے۔اس ضمن میں تمام تجاوزات ختم کروا کر بازاروں کو وسیع کروایاجا رہاہے۔ اس حوالہ سے ڈپٹی کمشنر کا کہنا تھا کہ وزیر اعلیٰ پنجاب کے ویژن کے تحت ضلع بھر کو تجاوزات فری بنانے کے عزم پر عملی طور پر اقدامات کئے جا رہے ہیں۔آپریشن سے قبل دوکانداروں کو غیر قانونی تجاوزات ختم کرنے کے نوٹس جاری کئے جارہے ہیں تاہم اب تجاوزات نہ ہٹانے والوں کی دکانیں بھی سیل کی جارہی ہیں۔ تجاوزات کے خلاف آپریشن مرحلہ وار جاری رہیگا، تجاوزات سے ٹریفک کی روانی شدید متاثر ہورہی تھی۔ان کا مزید کہنا تھا کہ تجاوزات پھیلانے والے مافیا کا خاتمہ ناگزیر ہے کیونکہ بنیادی طور پر یہ مافیا شہری ترقی کی راہ میں مسلسل رکاوٹ ہے۔