گزشتہ روز ضلع بھر میں پرائس کنٹرول مجسٹریٹس نے 13898انسپکشنز کیں

ڈپٹی کمشنر علی اکبر بھنڈر کے احکامات پرچکن اور گوشت کی قیمتوں میں اووچارجنگ کی شکایات اوردیگر اشیائے خوردونوش کے سرکاری نرخ نامے پر عملدرآمد کیلئے پرائس کنٹرول مجسٹریٹس فیلڈ میں متحرک ہیں۔گزشتہ روز ضلع بھر میں پرائس کنٹرول مجسٹریٹس نے 13898انسپکشنز کرکے خلاف ورزی کرنے والے 624دوکانداروں کو 48ہزار وپے سے زائد کے جرمانے عائد کئے جبکہ 58 دوکانیں سیل اور ایک سو سے زائد گرانفروشوں کو قانون کی گرفت میں لیا گیا۔ اس حوالہ سے ڈپٹی کمشنر نے پرائس کنٹرول مجسٹریٹس کو ہدایات جاری کی ہوئی ہیں کہ وہ اووچار جنگ کی شکایات پر کریک ڈاو¿ن جاری رکھیں، دوران کارروائیاں مرتکب دوکانداروں کو بھاری جرمانے عائد کئے جائیں ۔ رمضان بازاروں میں مناسب نرخوں پر اشیائے خوردونوش کی دستیابی سمیت سبزی ، پھل ، چینی، گوشت اور دیگر اشیائے ضروریہ کے معیار اور مقدار کو یقینی بنانے کے حوالہ سے خصوصی اقدامات کئے جائیں۔انہوں نے مزید کہا کہ ماہ رمضان میں مصنوعی قلت پیدا کرنے اور ناجائز منافع خوروں کے ساتھ سختی سے نمٹا جائیگا ،گرانفروشی کے مرتکب دوکاندار عید جیل میں گزاریں گے۔