ڈپٹی کمشنرعلی اکبر بھنڈر نے ڈسٹرکٹ ہیڈکوارٹر ہسپتال کا دورہ کیا

ڈپٹی کمشنرعلی اکبر بھنڈر نے ڈسٹرکٹ ہیڈکوارٹر ہسپتال کا دورہ کیا اور ہسپتال میں ڈاکٹرز کی حاضری،مریضوں کے ریکارڈ، صفائی ستھرائی ، فارمیسی میں ادویات کی دستیابی و سٹاک کا جائزہ لیا۔ڈپٹی کمشنر نے ہسپتال کے مختلف شعبوں میں مریضوں کے علاج معالجہ اور ہیلتھ سروسز کا معائنہ کیا، مریضوں و لواحقین سے علاج معالجہ اور طبی سہولیات کی فراہمی بارے میں دریافت کیا۔چلڈرن وارڈ میں بچوں کے علاج معالجہ اور طبی سہولیات کوبھی چیک کیا اور موقع پرڈاکٹرز کو طبی سہولیات کو مزید بہتر بنانے کے احکامات جاری کئے۔انہوںنے مریضوں کی تیمارداری کی اور ادویات کی فراہمی بارے بھی دریافت کیا۔انہوںنے اس موقع پر گفتگو کرتے ہوئے کہا کہ وزیر اعلیٰ پنجاب مریم نواز شریف کی خصوصی ہدایات پر ہسپتالوں میں علاج معالجہ کی مزید بہتری کےلئے وزٹس کر رہے ہیں۔ عوام کو صحت کی بہتر سہولیات کی فراہمی کیلئے ہمہ وقت کوشاں ہیں۔ ہسپتال کی کارکردگی اور سروسز کو مزید بہتر بنانے کےلئے فیلڈ میں موجود ہیں۔ عوام کوان کی دہلیز پر مفت طبی سہولیات فراہم کرنے کا عزم رکھتے ہیں۔ ڈاکٹرز و سٹاف طبی سہولیات سمیت اعلیٰ نظم و نسق برقرار رکھنے میں کوئی کسر اٹھا نہ رکھیںاس حوالہ سے مریضوں کی بہترین دیکھ بھال اور علاج معالجے کی تمام تر کوششیں کریں۔