تھانہ اٹھارہ ہزاری میں ہونے والی ڈکیتی کی واردات پر پولیس کی کامیاب کاروائی ۔ مرکزی ملزم گرفتار 3 کروڑ سے زائد مالیت کا مسروقہ سامان برآمد

علاقہ تھانہ اٹھارہ ہزاری میں ہونے والی ڈکیتی کی واردات پر پولیس کی کامیاب کاروائی ۔ عمران نامی مرکزی ملزم گرفتار ، 3 کروڑ سے زائد مالیت کا مسروقہ سامان برآمد ۔ تفصیلات کے مطابق علاقہ تھانہ اٹھارہ ہزاری میں ہونے والی ڈکیتی میں دوران واردات ملزمان بھاری مقدار میں چاول کی بوریاں،ٹرالی، فریج اور دیگر سامان لے گئے تھے ۔ پولیس نے بروقت کاروائی کرتے ہوئے عمران نامی مرکزی ملزم کو گرفتار کرکے 3 کروڑ سے زائد مالیت کا مسروقہ سامان برآمد کرلیا ۔ مسروقہ سامان کی بروقت برآمدگی اور مرکزی ملزم کی گرفتاری پر متاثرہ شہری نے اظہار تشکر کرتے ہوئے پولیس کی کارکردگی کو سراہا ۔ ڈی پی او کیپٹن (ر) بلال افتخار کیانی کی جانب سے کامیاب کاروائی پر پولیس افسران کو شاباش، بقیہ ملزمان کی گرفتاری کی تاکید بھی کی ۔ ڈی پی او کا کہنا تھا کہ قانون شکنوں کیساتھ آہنی ہاتھوں سے نمٹا جائیگا۔ شہریوں کے جان و مال کا تحفظ ہماری اولین ترجیح ہے۔