کانسٹیبلز کی محکمانہ ترقی کے لیے “لسٹ بی ون” امتحان کا انعقاد

کانسٹیبلز کی محکمانہ ترقی کے لیے “لسٹ بی ون” امتحان کا انعقاد,محکمہ پولیس میں کانسٹیبلز اور لیڈی کانسٹیبلز کی محکمانہ ترقی کے لیے “لسٹ بی ون” تحریری امتحان کا انعقاد کیا گیا۔امتحانی عمل کی نگرانی ڈسٹرکٹ پولیس آفیسر جھنگ، کیپٹن (ر) بلال افتخار کیانی نے خود کی، تاکہ امتحان کو شفاف اور منصفانہ بنایا جا سکے۔اس موقع پر کل 355 امیدواروں نے امتحان میں شرکت کی، جن میں مرد و خواتین کانسٹیبلز شامل تھے۔ یہ امتحان آئی جی پنجاب کے ویژن کے تحت ترقیاتی عمل میں شفافیت، میرٹ اور رفتار کو یقینی بنانے کے لیے منعقد کیا گیا ہے۔تحریری امتحان کے بعد کامیاب امیدواروں سے پریڈ ٹیسٹ اور انٹرویو لیا جائے گا، تاکہ ہر پہلو سے ان کی قابلیت کو پرکھا جا سکے۔امتحانی عمل کو جدید خطوط پر استوار کرتے ہوئے ڈیجیٹل ریکارڈنگ کے ذریعے مانیٹر کیا گیا، جس کا مقصد شفافیت کو مزید بہتر بنانا ہے۔ڈی پی او جھنگ نے واضح کیا کہ صرف وہی اہلکار محکمانہ ترقی کے مستحق ہوں گے جو محنتی، باصلاحیت اور اہل ہوں گے، تاکہ محکمہ پولیس میں پیشہ ورانہ معیار کو مزید بلند کیا جا سکے