ڈی پی او کیپٹن (ر) بلال افتخار کیانی کی تھانہ مسن میں کھلی کچہری،

ڈی پی او جھنگ کیپٹن (ر) بلال افتخار کیانی کی تھانہ مسن میں کھلی کچہری، عوامی مسائل کے فوری حل کیلئے احکامات جاری.ڈسٹرکٹ پولیس آفیسر جھنگ کیپٹن (ر) بلال افتخار کیانی نے تھانہ مسن میں کھلی کچہری کا انعقاد کیا، اس موقع پر ڈی ایس پی صدر سرکل ظہور مگسی، متعلقہ ایس ایچ اوز، اور تفتیشی افسران بھی شریک تھے۔کھلی کچہری کے دوران شہریوں نے فرداً فرداً ڈی پی او سے ملاقات کی اور اپنے مسائل، شکایات اور انسدادِ جرائم کے حوالے سے تجاویز پیش کیں۔ڈی پی او بلال افتخار کیانی نے پولیس افسران کو ہدایت کی کہ عوامی مسائل کے فوری اور مؤثر حل کو ہر صورت یقینی بنایا جائے اور موقع پر ہی شکایات کے حل کے احکامات جاری کئے۔انہوں نے منشیات فروشوں، اشتہاری مجرمان اور ٹاوٹ مافیا کے خلاف مؤثر کارروائیاں تیز کرنے کا حکم دیتے ہوئے کہا کہ جرائم پیشہ عناصر کے گرد گھیرا تنگ کیا جائے۔ڈی پی او نے افسران کو ہدایت دی کہ وہ علاقہ کے نمبر داروں کے ساتھ قریبی رابطہ رکھیں اور ٹھیکری پہرے کے نظام کو فعال بنایا جائے تاکہ جرائم کی روک تھام میں بہتری لائی جا سکے