ڈپٹی کمشنر علی اکبر بھنڈر اور ڈسٹرکٹ پولیس آفیسر کیپٹن ر بلال افتخار کیانی کی زیر صدارت ایکسیڈنٹ ریویو کمیٹی کا اجلاس منعقد ہوا۔ اجلاس میں محکمہ پولیس ، ٹریفک پولیس، پٹرولنگ پولیس،ہائی وے، ریسکیو 1122،ٹرانسپورٹ ڈیپارٹمنٹ سمیت تمام متعلقہ محکموں کے افسران نے شرکت کی۔ اجلاس میں ضلع میں ہونیوالے حادثات اور حادثات کی وجوہات کا جائزہ لیا گیا جبکہ حکومت پنجاب کی ہدایت پر حادثات کی روک تھام اور احتیاطی تدابیر اختیار کرنے کے حوالے سے آئندہ کا لائحہ عمل طے کیا گیا۔ ڈپٹی کمشنر نے متعلقہ محکموں کے افسران کو اوولوڈنگ ، ٹرانسپورٹ کی چھتوں پر بیٹھنا اور کم عمر ڈرائیوروں سمیت ایسے عناصرجو جزوی طور پرحادثات کا سبب بنتے ہیں کے خلاف سخت ایکشن لینے کی ہدایات جاری کیں۔ ڈپٹی کمشنر کا کہنا تھا کہ ٹریفک حادثات کی بڑی وجہ کم سن ڈرائیورز اور ٹریفک قوانین پر عملدرآمد میں کوتاہی ہے۔ حادثات کی شرح کو کم کرنے کیلئے تمام متعلقہ محکموں کو ملکر اقدامات کرنا ہونگے اور شہریوں کو آگاہی فراہم کرنا ہو گی۔انہوںنے سیکرٹری ڈی آر ٹی اے کو شہر میں پبلک ٹرانسپورٹ کے روٹ کا میکینزم بنانے کے حوالے سے ہدایات جاری کیں