ریسکیو ذرائع کے مطابق پہلا حادثہ شورکوٹ کے علاقہ بھنگو کوٹھی کینٹ روڈ پر پیش آیا جہاں تیز رفتاری اور لاپرواہی کے باعث سوزوکی پک اپ (آئل ٹینکی) اور موٹرسائیکل آپس میں ٹکرا گئے۔ حادثے میں وقار اعجاز، عبد الرحمن اور عدنان حیدر زخمی ہوئے جنہیں ابتدائی طبی امداد کے بعد ٹی ایچ کیو ہسپتال شورکوٹ منتقل کر دیا گیا۔دوسرا حادثہ جھنگ کے علاقے چک 457 گوجرہ روڈ پر پیش آیا جہاں تیز رفتار کار نے رکشہ کو پیچھے سے ٹکر مار دی۔ حادثے کے نتیجے میں نواز اور نعیم بی بی زخمی ہوئے جنہیں فوری طور پر ڈی ایچ کیو ہسپتال جھنگ منتقل کیا گیا۔تیسرا حادثہ جھنگ ہی کے علاقے کوٹ لکھنانہ، گوجرہ روڈ پر پیش آیا جہاں تیز رفتار ہائی ایس وین اور موٹرسائیکل میں تصادم ہوا۔ اس حادثے میں سردار احمد اور اقبال زخمی ہوئے جنہیں ڈی ایچ کیو ہسپتال جھنگ منتقل کر دیا گیا۔تمام حادثات میں ریسکیو 1122 نے فوری رسپانس کرتے ہوئے زخمیوں کو ابتدائی طبی امداد فراہم کی اور بروقت ہسپتال منتقل کیا۔