وزیراعظم شہبازشریف نے تجارت کے فروغ اور تحقیق اور ترقی میں تعاون سمیت پاکستان اور سعودی عرب کے مشترکہ کاروباری منصوبوں کو پایہ تکمیل تک پہنچانے کیلئے کام کرنے کے عزم کا اظہارکیا ہے۔

انہوں نے یہ بات آج (بدھ) کو اسلام آباد میں سعودی پاکستان مشترکہ بزنس کونسل کے چیئرمین شہزادہ منصور بن محمد السعود کی قیادت میں سعودی عرب کے اعلیٰ سطح کے کاروباری وفد کے اعزاز میں ایک ظہرانے سے خطاب کرتے ہوئے کہی۔

وزیراعظم نے دونوں ملکوں کے تاجروں پر زور دیا کہ وہ مشترکہ منصوبوں کے آغاز کے مواقع سے فائدہ اٹھائیں۔