وزیراعلی پنجاب مریم نواز نے مختلف شہروں میں پانی کی نکاسی کے تمام منصوبے جون سے قبل مکمل کرنے کی ہدایت کی ہے۔

آج لاہور میں ایک اجلاس کی صدارت کرتے ہوئے وزیراعلی نے تمام سیوریج لائنوں اور بارش کے پانی کی نکاسی کے منصوبوں کو مون سون سیزن سے قبل مکمل کرنے کی ہدایت کی۔

اجلاس میں پندرہ شہروں میں واسا کمپلیکس کی عمارتوں کے ڈیزائن کی منظوری دی گئی۔

اجلاس کو بتایا گیا کہ واسا مون سون سیزن سے قبل نالوں کی صفائی کیلئے ایک بڑی مہم بھی شروع کرے گی۔