مذہبی امور اور بین المذاہب ہم آہنگی کے وزیر سردار محمد یوسف نے کہا ہے کہ حکومت سکھ یاتریوں کو ہر ممکن سہولت فراہم کرنے کے لیے پرعزم ہے۔

انہوں نے حسن ابدال میں ایک تقریب سے خطاب کرتے ہوئے کہا کہ پاکستان دنیا بھر سے سکھ یاتریوں کا پرتپاک استقبال کرتا ہے۔

وفاقی وزیر نے کہا کہ پاکستان بھر میں سکھ گوردواروں کی تزئین و آرائش کی جا رہی ہے۔

اس موقع پر اظہار خیال کرتے ہوئے مذہبی امور اور بین المذاہب ہم آہنگی کے وزیر مملکت کیسو مل کھیل داس نے کہا کہ پاکستان میں اقلیتوں کو اپنے مسلمان بھائیوں کے مساوی مقام حاصل ہے۔

انہوں نے کہا کہ ملک مذہبی اقلیتوں بالخصوص سکھوں اور ہندوؤں کو آزادانہ طور پر اپنی عبادت گاہوں میں جانے کی اجازت دیتا ہے۔

پنجاب کے اقلیتی امور کے وزیر رمیش سنگھ اروڑا نے کہا کہ پاکستان امن، محبت اور ہم آہنگی کو فروغ دیتا ہے۔

انہوں نے کہا کہ سکھ یاتریوں کو ملک میں بے مثال محبت اور احترام دیا جاتا ہے۔