ڈپٹی کمشنر علی اکبر بھنڈر نے ڈسٹرکٹ ہیڈ کوارٹر ہسپتال کا دورہ کرتے ہوئے مختلف شعبہ جات میں انتظامات، صفائی ستھرائی اور مریضوں کو فراہم کی جانے والی طبی سہولیات کا تفصیلی جائزہ لیا۔دورے کے دوران انہوں نے ایمرجنسی، آو¿ٹ ڈور، وارڈز اور دیگر شعبوں کا معائنہ کیا جبکہ ڈاکٹرز اور طبی عملے کی حاضری بھی چیک کی۔ اس موقع پر مریضوں اور ان کے لواحقین سے ملاقات کرتے ہوئے فراہم کی جانے والی طبی سہولیات اور ادویات کی دستیابی کے حوالے سے دریافت کیا گیا۔ڈپٹی کمشنر علی اکبر بھنڈر نے ہسپتال انتظامیہ کو ہدایت کی کہ مریضوں کو بہترین طبی سہولیات کی فراہمی، صفائی کے موثر انتظامات اور ادویات کی مسلسل دستیابی کو ہر صورت یقینی بنایا جائے۔انہوں نے کہا کہ حکومت پنجاب کے ویژن کے مطابق عوام کو معیاری طبی سہولیات کی فراہمی ضلعی انتظامیہ کی اولین ترجیح ہے اور اس سلسلہ میں کسی قسم کی غفلت برداشت نہیں کی جائے گی۔