آفیسر کالونی ٹوبہ روڈ پر تیز رفتاری کے باعث ویگو ڈالہ اور موٹر سائیکل کے درمیان حادثہ پیش آیا جس کے نتیجے میں 3 افراد زخمی ہوگئے۔ ریسکیو 1122 کنٹرول روم کو موصول ہونے والی کال میں حادثے کی اطلاع دی گئی، جس پر قریبی ایمبولینس کو فوری طور پر روانہ کیا گیا۔

ریسکیو اہلکاروں نے بروقت موقع پر پہنچ کر زخمیوں کو ابتدائی طبی امداد فراہم کی اور بعد ازاں ڈی ایچ کیو ہسپتال جھنگ منتقل کر دیا۔ زخمیوں میں 20 سالہ محمد احمد ولد سوداگر، 28 سالہ سائرہ بی بی زوجہ سکندر اور 18 سالہ میثم شہزاد ولد عمران شامل ہیں۔ زخمیوں کا تعلق گرین ٹاؤن ٹوبہ روڈ اور غلہ منڈی سے ہے ۔