اے ڈی سی (انفورسمنٹ) رب نواز چدھڑ کا چنڈ بھروانہ میں چھاپہ، فصلوں کی باقیات جلانے پر ذمہ داران کے خلاف ایف آئی آر درج کرنے کا حکم

جھنگ: ایڈیشنل ڈپٹی کمشنر (انفورسمنٹ) جھنگ نے محکمہ زراعت کے افسران کے ہمراہ چنڈ بھروانہ کے علاقے پبر والا کا دورہ کیا، جہاں فصلوں کی باقیات جلانے کا عمل جاری تھا۔ انسدادِ سموگ قوانین کی خلاف ورزی پر موقع پر موجود ذمہ داران کے خلاف ایف آئی آر درج کرنے کا حکم دے دیا گیا۔

دورے کے دوران ایڈیشنل ڈپٹی کمشنر (انفورسمنٹ) نے فصلوں کی باقیات جلانے کا نوٹس لیتے ہوئے متعلقہ افسران کو فوری قانونی کارروائی کی ہدایت کی۔

انہوں نے واضح کیا کہ فصلوں کی باقیات جلانے پر مکمل پابندی عائد ہے اور خلاف ورزی کرنے والوں کے خلاف بلاامتیاز قانونی کارروائی عمل میں لائی جائے گی۔

ایڈیشنل ڈپٹی کمشنر (انفورسمنٹ) نے کہا کہ سموگ سے پاک جھنگ کے لیے تمام متعلقہ محکمے اپنی ذمہ داریاں ادا کریں، جبکہ شہری بھی ماحولیاتی آلودگی کی روک تھام میں اپنا کردار ادا کریں۔