پولیس تحفظ سنٹر نے پندرہ نادار بچوں کو یونیفارم اور کتابیں دلا کر انکا سکول میں مفت داخلہ کروا دیا

ڈی پی او ملک طارق محبوب کی ہدایات کے مطابق پولیس تحفظ سنٹر کا تعلیم سے محروم نادار بچوں کے فلاح کیلئے احسن اقدام، تفصیلات کے مطابق پولیس تحفظ سنٹر نے کمزور طبقات کی بحالی کیلئے یونائیٹڈ ویلفئیر فاؤنڈیشن کے ساتھ معاہدہ کیا، معاہدے کے متن کے مطابق معاشرے کے کمزور طبقات، خصوصی بچوں سمیت نادار بچوں کو مفت تعلیم دی جائے گی، پولیس تحفظ سنٹر نے پندرہ نادار بچوں کو یونیفارم اور کتابیں دلا کر انکا سکول میں مفت داخلہ کروا دیا، شہری حلقوں میں پولیس تحفظ سنٹر کے اس اقدام کو سراہا جارہا ہے،

اس موقع پر ڈی پی او ملک طارق محبوب کا کہنا تھا کہ ملک و قوم کی ترقی کے پیش نظر تمام شہری انفرادی سطح پر بھی فروغِ تعلیم کےہر ممکن کوشش کریں، آئی جی پنجاب کے ویژن کے مطابق خدمت مراکز، تحفظ سنٹر اور میثاق سنٹر موثر کردار ادا کررہے ہیں۔