او آئی سی کا اسرائیل، فلسطین کے درمیان خطرناک کشیدگی پر اظہار تشوی

اسلامی تعاون تنطیم نے مقبوضہ فلسطینی علاقے میں اسرائیل اور فلسطین کے درمیان خطرناک کشیدگی پر شدید تشویش ظاہر کی ہے۔

جنرل سیکرٹریٹ نے ایک بیان میں کہاکہ اسرائیل کو حاصل کھلی چھوٹ سے اس کو اپنی پالیسیوں پر عملدرآمد کی شہ ملی ہوئی ہے جو مکمل طور پر انسانیت کے خلاف جنگی جرائم کے مترادف ہے۔بیان میں فلسطینی عوام کو بین الاقوامی تحفظ فراہم کرنے اور انیس سو سرسٹھ سے پہلے کی سرحد کے مطابق آزاد اور خودمختار فلسطینی ریاست کے قیام کے لئے قابل اعتماد سیاسی عمل میں مدد کرنے پر زور دیا گیا ہے جس کا دارالحکومت القدس الشریف ہو۔اسلامی تعاون تنظیم نے کہا کہ بین الاقوامی قانون کے مطابق دو ریاستی حل کی سوچ پر مبنی منصفانہ اور جامع امن کے حصول کے لئے کوششیں کی جانی چاہئیں۔