شہریوں کو سموگ کی شدت سے محفوظ رہنے کےلئے حفاظتی و احتیاطی اقدامات کئے جا رہے ہیں۔ڈپٹی کمشنر

وزیر اعلیٰ پنجاب مریم نواز شریف کی ہدایات کی روشنی میں ضلع بھر میں شہریوں کو سموگ کی شدت سے محفوظ رہنے کےلئے حفاظتی و احتیاطی اقدامات کئے جا رہے ہیں۔ اس حوالہ سے ڈپٹی کمشنر نے تمام متعلقہ محکموں کے ہیڈز کو ہدایات جاری کی ہیں کہ وہ سموگ سے بچاﺅ کے حوالہ سے حفاظتی و احتیاطی تدابیر بارے زیادہ سے زیادہ آگاہی فراہم کریں ، طبی ماہرین شہریوں کو ماسک لگا کر گھر سے نکلنے کی ہدایت کر رہے ہیں ۔اس تناظر میں نزلہ، زکام، سر درد، آنکھوں کی سوزش، سانس کی بیماریاں، کھانسی، دمہ کا دورہ کی صورت میں بر وقت احتیاطی تدابیر اپنائیںاورطبیعت خراب ہونے کی صورت میں قریبی سرکاری ہسپتال سے رجوع کریں، بلا ضرورت سفر سے گریز کریں، باہر جاتے وقت ماسک اور عینک پہنیں،کمروں کے دروازے اور کھڑکیاں بند رکھیں اوراپنی گاڑیوں کا معائنہ کروائیں تاکہ دھوئیں سے ماحول آلودہ نہ ہو۔ ڈپٹی کمشنر نے مزید کہا کہ تمام متعلقہ افسر فیلڈ میں موجود رہیں اور احکامات پر عملدرآمد یقینی بنائیں۔