اوورسیز پاکستانیوں کو سہولیات کی فراہمی کیلئے تمام اقدامات کئے جائینگے، قمر رضا

اوورسیز پاکستانی فاؤنڈیشن کے بورڈ آف گورنرز کے چیئرمین سید قمر رضا نے کہا ہے کہ بیرون ملک مقیم پاکستانیوں کوسہولیات کی فراہمی کے لئے وزیراعظم کے ویژن کی روشنی میں تمام ممکنہ اقدامات کئے جائیں گے۔اسلام آباد میں پاکستان بزنس فورم کے وفد سے گفتگو کرتے ہوئے انہوں نے زور دیا کہ وہ پاکستان میں سرمایہ کاری کریں اور حکومت کی طرف سے غیر ملکی سرمایہ کاروں کے لئے پرکشش مواقع سے فائدہ اٹھائیں۔انہوں نے وفد کو بتایا کہ رواں سال دسمبر تک اوورسیز پاکستانی کنونشن کا انعقاد کیا جائے گا جس کا مقصد پاکستان میں غیر ملکی سرمایہ کاری کی حوصلہ افزائی کرنا ہے۔