ایڈمنسٹریٹر میونسپل کمیٹی جھنگ خرم شہزاد بھٹی نے شہر کے مختلف علاقوں کا دورہ کیا

ڈپٹی کمشنرعلی اکبر بھنڈر کی ہدایت پر ایڈمنسٹریٹر میونسپل کمیٹی جھنگ خرم شہزاد بھٹی نے شہر کے مختلف علاقوں کا دورہ کیا ۔انہوں نے بارش کے بعد شہر میں پانی کی صورتحال کا جائزہ لیا اور عملہ کو فیلڈ میں متحرک رہنے کی ہدایات جاری کیں۔ انہوں نے فیلڈ سٹاف کو پابند کیا کہ بارشی پانی کے انخلاء تک مشینری پوری طرح متحرک رہے۔ایڈمنسٹریٹر میونسپل کمیٹی جھنگ خرم شہزاد بھٹی نے اس موقع پر گفتگو کرتے ہوئے کہا کہ اربن ایریا کے نشیبی علاقوں سے بارشی پانی کی نکاسی کےلئے تمام میونسپل کمیٹی کا تمام عملہ مصروف ہے۔ شہریوں کی شکایات کے فوری ازالہ کےلئے ایم سی کی طرف سے تیز رفتار اقدامات کئے جارہے ہیں۔