انسپکٹر جنرل آف پولیس پنجاب ڈاکٹر عثمان انور کے احکامات کی روشنی میں شہدائے پولیس کے اہلخانہ کی ویلفئیر ترجیحی بنیادوں پر جاری ہے، ڈی پی او کیپٹن (ر) بلال افتخار کیانی نے پولیس کے شہید کانسٹیبل محمد اکرم کی بیٹی کی شادی کے موقع پر شہید کانسیٹبل کے خاندان سے ملاقات کی اور پانچ لاکھ روپے مالیت کا امدادی چیک بچی کے اہل خانہ کے حوالے کیا۔ڈی پی او جھنگ نے کہا کہ پولیس شہداء ہماری فورس کا فخر ہیں، اور ان کے اہل خانہ کی عزت و تکریم اور ویلفئیر پولیس کی اولین ترجیح ہے۔ انہوں نے مزید کہا کہ پنجاب پولیس اپنے شہداء کے ورثاء کے ساتھ ہمیشہ کھڑی ہے اور ہر ممکن تعاون فراہم کیا جاتا رہے گا۔شہید اہلکار کے خاندان نے پولیس فورس کے اس جذبے اور تعاون کو سراہتے ہوئے پنجاب پولیس کا شکریہ ادا کیا