عالمی دن برائے تپ دق (ورلڈ ٹی بی ڈے) کی مناسبت سے ضلع کونسل ہال میں آگاہی سیمینار کا انعقاد

عالمی دن برائے تپ دق (ورلڈ ٹی بی ڈے) کی مناسبت سے ضلع کونسل ہال میں آگاہی سیمینار کا انعقادکیا گیا جس میں ڈپٹی کمشنر علی اکبر نے بطور مہمان خصوصی شرکت کی جبکہ ایڈیشنل ڈپٹی کمشنر ریونیو ڈاکٹر امتیاز محسن ، ایڈیشنل ڈپٹی کمشنر جنرل خرم بھٹی سمیت دیگر ہیلتھ افسران ، ضلعی افسران اور شہریوں نے بڑی تعداد میں شرکت کی۔ سمینار کے آغاز میں محکمہ ہیلتھ کے افسران کی جانب سے شرکاءکو ٹی بی مرض سے بچاو، تشخیص اور علاج کے بارے ترغیب دی گئی ۔ سمینار سے خطاب کرتے ہوئے ڈپٹی کمشنر علی اکبر بھنڈر نے کہا کہ ٹی بی قابل علاج مرض ہے ،اس حوالہ سے اثرات محسوس ہونے پر شہریوں کو فوری سکریننگ کروانی چاہیے ،ڈسٹرکٹ ہسپتال میں ٹی بی کلینک پر مفت ادویات اور سکریننگ کی سہولت میسر ہے،شہریوں کو سکریننگ کے لیے محکمہ صحت کی ٹیمیں کے ساتھ تعاون کرنا چاہیے ،انہوںنے کہا کہ تپ دق اور کمیونٹیز پر اس کے اثرات کے بارے میں شعور اجاگر کرنے کے لیے محکمہ صحت اور دیگر ڈیپارٹمنٹس کی جانب سے آگہی پروگرام منعقد کروائے جائیں ، ٹی بی کنٹرول کی کوششوں میں کمیونٹی کی شمولیت کو فروغ دینا وقت کی اہم ضرورت ہے تاکہ اس بیماری کے خاتمے کےلئے فروغ دیا جا سکے۔ڈپٹی کمشنر نے مزید کہا کہ اپنے ماحول کو بہتر بنانے کے ہمیں زیادہ سے زیادہ شجر کاری مہم میں بھی حصہ لینا چاہیے۔