وزیر اعلیٰ پنجاب مریم نواز شریف کی ہدایت پر ماحولیات کے عالمی دن کے موقع پر ضلعی انتظامیہ کے زیر اہتمام آگاہی واک کا انعقاد کیا گیا جس کی قیادت ڈپٹی کمشنر علی اکبر بھنڈر نے کی جبکہ ضلعی افسران و سول سوسائٹی سمیت شہری بھی واک میں شریک تھے۔ڈپٹی کمشنر علی اکبر بھنڈر نے ماڈل بازار میں بیگز تقسیم کئے جبکہ ماحولیات کے عالمی دن کے موقع پر فاریسٹ پارک میں پودے بھی لگائے گئے ۔ اس موقع پر ڈپٹی کمشنر نے گفتگو کرتے ہوئے کہا کہ ماحولیات کا عالمی دن ہر سال 5 جون کو منایا جاتا ہے تاکہ ماحولیات کے تحفظ کے لیے شعور اجاگر کیا جا سکے۔انہوںنے مزید کہا کہ ماحول کا تحفظ ہم سب کی ذمہ داری ہے۔آلودگی سے پاک پائیدار مستقبل کو فروغ دینے کےلئے ہمیں اپنا معاشرتی کردار ادا کرنا ہوگا۔