پاک ، چین معاشی تعلقات ہرگزرتے دن کیساتھ مضبوط ہورہے ہیں ، وزیراعظم

وزیراعظم شہبازشریف نے کہا ہے کہ پاکستان اور چین کے درمیان معاشی تعلقات ہرگزرتے دن کے ساتھ مضبوط ہورہے ہیں ۔

انہوں نے یہ بات آج (جمعہ کو)اسلام آباد میں سرمایہ کاری بورڈ اورچین کے روی گروپ کے درمیان مفاہمت کی یادداشت پردستخط کی تقریب سے خطاب کرتے ہوئے کہی ۔

معاہدے کے تحت چین کا روی گروپ پاکستان میں عالمی معیار کے ٹیکسٹائل پارک قائم کرے گا ۔

شہبازشریف نے پاکستان کے ٹیکسٹائل کے شعبے میں سرمایہ کاری میں گہری دلچسپی لینے پر روی گروپ کی تعریف کی ۔

چیئرمین روی گروپ قوی یافو نے کہا کہ گروپ سرمایہ کار کے طورپر نہیں بلکہ پاکستان کے دوست کے طورپر پاکستان آیا ہے ۔