پاکستان میں سب سے بڑے ای وی چارجنگ نیٹ ورک کے قیام کے لیے کام جاری

پاکستان میں ماحول دوست ٹرانسپورٹ کی جانب اہم قدم، ایس آئی ایف سی کے تعاون سے حب پاور ہولڈنگز کا پاکستان میں سب سے بڑے ای وی چارجنگ نیٹ ورک کے قیام کے لیے کام جاری ہے۔

حب پاور ہولڈنگز لمیٹڈ کے ماتحت حبکو گرین اور پی ایس او کے مابین ملک بھر میں ای وی چارجنگ انفراسٹرکچر کی تنصیب کا معاہدہ طے پا گیا۔ اس ضمن میں حبکو گرین کی جانب سے کراچی میں پہلے ای وی چارجنگ اسٹیشن کا افتتاح کر دیا گیا ہے، حکومت کا 2030 تک نئی ای وی پالیسی کے تحت پاکستان میں 30 فیصد گاڑیوں کو الیکٹرک بنانے کا ہدف مقرر کیا گیا ہے۔

حبکو گرین کے چارجنگ اسٹیشنز کی تنصیب کے ذریعے الیکٹرک گاڑیوں کے بڑھتے ہوئے رجحان کو فروغ ملے گا، سبز توانا ئی کے فروغ کے لیے ایک اور اہم قدم، حال ہی میں پاکستان اور چین کی کمپنی کے درمیان ای وی چارجنگ اسٹیشنز کے قیام کا معاہدہ بھی طے پا یا  ہے اس سے قبل ہاشو گروپ اور دیوان موٹرز کے درمیان بھی ای وی چارجنگ اسٹیشنز کی تنصیب کا معاہدہ طے پا چکا ہے۔

حکومت ایس آئی ایف سی کی معاونت سے ای وی چارجنگ اسٹیشنز کے قیام سے ای وی کے شعبے میں انقلاب لانے کے لیے پر عزم ہے۔