ڈپٹی کمشنر علی اکبر بھنڈر کی زیر صدارت ریجنل ٹرانسپورٹ اتھارٹی جھنگ کا اجلاس

ڈپٹی کمشنر علی اکبر بھنڈر کی زیر صدارت ریجنل ٹرانسپورٹ اتھارٹی جھنگ کا اجلاس منعقد ہوا جس میں ایکسل لوڈ مینجمنٹ ریجیم کے حوالے سے تبادلہ خیال کیا گیا۔ سیکرٹری آر ٹی اے جھنگ نے بریفنگ کے دوران بتایا کہ ٹرانسپورٹ اینڈ ماس ٹرانزٹ ڈیپارٹمنٹ حکومت پنجاب کی ہدایات کے مطابق پنجاب میں لوڈ جنریٹنگ پوائنٹس کا سروے جاری ہے۔ سروے ٹیموں کے ذریعے ضلع میں دس سے زائد مختلف کیٹیگریز کے لوڈ جنریٹنگ پوائنٹس رجسٹر کیے جا رہے ہیں جن میں فیکٹریاں، ملز، اینٹوں کے بھٹے، تعمیراتی میٹریل پوائنٹس، گودام، پھل، سبزیاں،غلہ منڈی، بس سٹینڈ اور ریلوے سٹیشن وغیرہ شامل ہیں۔ڈپٹی کمشنر نے تمام متعلقہ محکموں کو ہدایات جاری کیں کہ وہ متعلقہ لوڈ جنریٹنگ پوائنٹس کی رجسٹریشن میں حصہ لیں.